Iloilo City–Gin-engganyo ni Philippine National Police Chief Director General Ronald Dela Rosa nga ang kapulisan sa Rehiyon 6 nga indi magpabaya sa kampanya kontra illegal nga druga.

Sa iya speech sa 116th Police Service Anniversary sa Camp Delgado kaina sang aga, ginpabutyag ni Dela Rosa nga indi magkumpiyansa bisan napatay na si PDEA 6 identified drug group leader Melvin Odicta. May ara pa suno sa iya sang bag-o nga drug group leader sa Western Visayas nga dapat lagson sang kapulisan.

Nagpaandam man si Dela Rosa sa mga pulis nga nagatuyo maghimo sang katontohan nga indi sila makaluwas sa penalidad. Dugang sini, wala siya sang labot ang kun diutay na lang nga mga pulis ang mabilin bangud mas importante nga matinluan sang scalawags ang organisasyon. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply