Iloilo City — Disappointed ang bayan panay sa pagreject sang Commission on Appointment sa appointment ni DSWD Secretary Judy Taguiwalo sa closed door executive session kahapon.  Napierde ang ordinaryo nga pumuluyo suno kay Bayan Panay spokesman Elmer Forro bangud nagatrabaho sang ensakto si Taguiwalo. Suno kay Forro, nadulaan man ang Duterte administration sang cabinet official nga wala sang record nga corruption. Si Taguiwalo ang ikatatlo nga cabinet official ni Duterte nga ginreject sang CA ang appointment matapos kanday Perfecto Yasay Jr sang Department of Foreign Affairs kag Gina Lopez sang DENR.

Nagapati si Forro nga nagpangibabaw ang ang interest sang mga TRAPO ukon traditional politicians sa pagreject sang CA sa appointment ni Taguiwalo. Suno kay Forro, indi luyag sang mga pulitiko nga may mapungko sa gabinete nga miembro sang progresibo nga grupo pareho kay taguiwalo bangud ipatuman sini ang matuod nga pagbag-o. Nagapati man si Forro nga ginreject si Taguiwalo bangud sang iya pagka-makawala. Miembro sang makabayan bloc si Taguiwalo antes gin-appoint ni Presidente Rodrigo Duterte sang nagligad nga tuig. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply