Malacañang — May mayor sa Western Visayas nga nagpatinlo-tinlo sa kahilabtanan sa illegal nga druga.  Namitlangan ini ni Presidente Rodrigo Duterte sa iya speech sa ika-19 nga founding anniversary sang Volunteers Against Crime and Corruption ukon VACC sa Malacañang kahapon. Ginpakita ni Duterte sa mga nagtambung sa event ang updated nga listahan sang mga narco politicians sa diin gintumod niya ang folder para sa Western Visayas. Ginpahayag sang presidente nga may mayor sa rehiyon nga nagapakuno-kuno nga matinlo bisan nga indi matuod.  Wala na gindetalye ni Duterte kon sin-o nga mayor ang iya ginatumod. Sang ginlawag ni Duterte ang una nga listahan sini sang nagligad nga tuig, lima ka mayors sa Panay island ang namitlangan nga ginpahayag drug protectors. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply