Iloilo City–Preso gihapon sa Mandurriao Police Station si Marito Milan, 34, sang Jibao-an, Pavia nga nagsumbag sa pareho sini nga trisikad driver nga si Jolito Rafael Jr, 27, sang Oñate-De Leon, Mandurriao. Napatay si Rafael bisan pa ginhingagaw dala sa ospital.

May gina-istorya si Milan sa kilid sang simbahan sa Mandurriao sang nagpalapit si Rafael kag nagsamulak sa istorya pero wala ini ginsapak ni Milan kag sang iya ka-istorya. Sang ulihi, na-akig si Rafael kag ginhangkat si Milan sang tapungulay pero wala gihapon ini ginsapak ni Milan ilabe na nga hubog si Rafael.

Ginpahayag nagpalapit si Rafael kag gintapungol si Milan gani nagbalos man sumbag si Milan sang pila ka beses kay Rafael nga natumba kag nakaigo sa trisikad kag nagpalanglapsi. Ang suspetsado man ang nagdala sang biktima sa ospital. (AGB)

 

 

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply