Taxi driver, nanginwala sa akusasyon sang iya pasahero nga babaye nga iya ginhold-up
Read Time:1 Minute, 31 Second
Iloilo–Todo sa pagpanghiwala ang driver sang Light of Glory taxi nga ginholdap niya ang babaye nga pasahero kagab-i.
Suno kay Mr. Bobby Rufino, 36 sang Malusgod, Pototan, wala siya nakadul-ong sang pasahero sa Calumpang. Una na ginpahayag sang pasahero nga si Jennycar Mendoza, 24, sang Calaparan, Arevalo nga gulpi lang naglingin ang iya ulo sang nakasinghot sang perfume nga gin-spray sang driver. Ginpahayag nagdeklarar sang hold-up ang driver kadungan sang pagtutok sang kutsilyo sa biktima. Nagbato si Mendoza pero wala nakasarang sa puwersa sang driver kabangdanan nakuha gid ang P120, 000 nga cash nga ginpahayag iya sang tiyo niya nga pulis nga ginapa-utang sang babaye.
Narecover sa taxi sang suspetsado ang kutsilyo, bag sang biktima, perfume kag brown envelop pero wala sang unod nga kwarta. Pauli na kontani ang biktima sang ginpahayag nga ginhold-up sang taxi driver.
Statement sang Light of Glory Taxi Services
Nagpaguwa naman sang statement ang taxi company sa ila Facebook account kag nagpabutyag nga gin-imbestigaran nila ang akusasyon.
Suno sa Light of Glory, na-verify na nila kag nakumpirmar ang lokasyon ni Rufino sa oras nga gin-alegar ni Mendoza nga ginhold-up siya sa Juntado Subdivision sa Calumpang, Molo.
Gin-athag sang kompaniya nga ginaseryoso nila ang isyu pero wala sang rason nga dudahan nila ang claim ni Rufino nga wala niya nahimo ang krimen. Ginsulit sang Light of Glory nga may clearances ang tanan nila nga drivers antes batunon kag ginarequire nga magmentinar sang matinlo nga record kag magsunod sa mga polisa sang kompaniya. Ginpahayag man sang kompaniya nga wala nila ginatolerar ang sala sang ila mga empleyado pero ginaproteheran nila ang kinamatarung sa sala nga akusasyon.
Nagalaum ang Light of Glory nga maguwa ang kamatuoran sa labing madali nga tiun kag madakpan ang matuod nga nakahimo sang sala. (AGB)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Factory sang Molo wrapper, miswa sa Oton nga nasunog sang Abril naguba sang ginlabayan sang buhawi
ILOILO – Naguba liwat ang factory sang Molo wrapper kag miswa sang ginlabayan sang buhawi sa Brgy. Abilay Sur, Oton...
Detour road sa idalum sang Oyungan bridge sa Miagao temporaryo nga indi maagyan sang mga dalagku nga salakyan tungod sang mataas nga level sang tubig
ILOILO -- Temporaryo nga indi maagyan ang detour road sa idalum sang Oyungan Bridge sa Miagao tungod sang pagtaas sang...
11 ka mga senador personal nga ginhatagan ni Pavia SB member Pyt Trimañez sang kopya sang resolution nga nagahingyo nga imbestigaran ang kontrobersyal nga Ungka flyover
Onse ka mga Senador ang nakabaton sang resolusyon sang Pavia Sangguniang Bayan angut sa pag-conduct sang Senate inquiry in aid...
73-anyos nga babaye nga una gin-report nga missing sa New Lucena patay na sang nakit-an
ILOILO -- Patay na sang nakit-an ang 73-anyos nga babaye nga una gin-report missing sa Brgy. Baclayan, New Lucena. Ginkilala...
Face-to-face classes halin pre-school tubtob senior high school sa Iloilo City gin-suspend ni Mayor Jerry Treñas subong nga adlaw tungod sang sige-sige nga ulan
Yari ang mensahe ni Mayor Treñas: Good morning. I have checked with our OpCen. Based on data gathered, this morning...
Iloilo Gov. Arthur Defensor, Jr. top performing governor sa Western Visayas
Nagpanguna si Iloilo Governor Arthur Defensor, Jr. bilang “Top performing” Governor sa Western Visayas. Ini base sa “Boses ng Bayan”...
Average Rating