Mga kontrabando, narecover sa greyhound operation sa BJMP-Ungka

Iloilo City–Nakakuha sang mga kontrabando ang mga otoridad sa greyhound operation sa BJMP sa Ungka, Jaro kaina sang aga.

Nagtingub ang Bureau of Jail Management and Penology 6, Philippine Drug Enforcement Agency 6 kag Iloilo City Police Office sa operasyon. Narecover sa mga selda ang kinaha sang sigarilyo, madamo nga lighters, ballpen, lapis, anum ka cellphone, martilyo, higut, pornographic magazines, botelya sang softdrinks, parilyahan, mga kutsara kag tinidor. Wala naman sang narecover nga illegal drugs.

Ginakabig ni Jail Supt. Gilbert Peremne, Assistant Regional Director for Operation sang BJMP 6, ang operasyon nga madinalag-on. (AGB)