Duha ka lalaki, gintiro patay sa Cabatuan; iloy sang isa sa mga biktima, nanindugan nga wala sang bisyo ang iya bata

Iloilo City–Nanindugan ang iloy sang isa sa duha ka lalaki nga gintiro patay sa Brgy. Tiring, Cabatuan kagab-i nga wala sang bisyo ang iya nga bata.

Suno kay Edna Malones, residente sang Magdalo, Lapaz, wala man sang record sa police station ang iya bata nga si Michael Malones, 29-anyos, nga nagabantay sa ila bilyaran kag nagabaligya sang softdrinks. Si Michael kag iya abyan nga si Jonathan Peñafiel, 36-anyos sang Airport, Mandurriao, ang nasapwan nga madamo sang pilas sa lawas. Gindala pa ang duha sa ospital apang napatay.

Ginsaysay sang mga residente nga nakabati sila sang pito ka lupok antes nasapwan nga pilason ang mga biktima. May gray man nga pick-up nga nakit-an sa lugar antes nasapwan ang mga biktima.

Padayon ang imbestigasyon sang Cabatuan Police sa insidente. (AGB)