Duha ka lalaki nga gintiro patay kag ginhal-id sa Tiring Cabatuan, gin-angut ni IPPO Dir. Marlon Tayaba sa illegal drugs

Iloilo — Gin-angut ni Iloilo Police Provincial Office Director Marlon Tayaba sa illegal drugs ang duha ka lalaki nga ginhal-id sa Tiring Cabatuan matapos gintiro sang makapila ka beses lunes sang gab-i.  Suno kay Tayaba, ara sa listahan sang mga drug personalities sanday Michael Malones sang Magdalo LaPaz kag Jonathan Peñafiel sang Airport Mandurriao..// Ginpahayag ni tayaba nga nalakip ang duha sa intel report sang IPPO sang nagligad nga tuig nga naga-transaksyon sang illegal drugs sa 3^rd kag 4^th district.  Magluwas sa report, narecover suno kay Tayaba ang cellphone sa duha sa diin nakita ang ginpahayag mga mensahe sa illegal drug transactions.

Ginkonfirmar naman ni Atty. Mark Piad, spokesperson ni Mayor Jed Patrick Mabilog, nga staff niya sa iya daan nga law office ang mga biktima.  Pero sang nabungkag ang law office sang nagligad nga tuig, wala na siya sang komunikasyon sa kanday Malones kag Peñafiel. Wala sang ideya si Piad kon may kahilabtanan sa illegal nga druga ang mga biktima.  (JoMaque)