Pahayag ni PDuterte nga “medyo wala na” sang illegal drugs sa Iloilo, ginpasalamatan ni Mayor Mabilog

Iloilo City — Ginpasalamatan ni Mayor Jed Patrick Mabilog si Presidente Rodrigo Duterte sa pinaka-ulihi sini nga statement nga “medyo wala na” sang illegal nga druga sa Iloilo.  Suno kay Mabilog, mahimo nga nakita sang presidente ang intervention ukon mga pagtinguha sang local government units sa Iloilo sa kampanya kontra illegal nga druga.  Nagpasalig naman si Mabillog nga padayonon niya ang kampanya tubtob nga ma-clear na ang Iloilo sa illegal drugs. Antes sini, gintawag ni Duterte ang Iloilo nga “most shabulized” kag “bedrock” sang illegal nga druga. Nalakip naman si Mabilog kag tatlo pa ka mayor sa Iloilo sa narcolist sang presidente nga iya ginlawag sang nagligad nga tuig pero ila man ginpanginwala nga protector sila sang illegal nga druga. (JoMaque)