Carles, Iloilo–Nagapakig-angut na si Mayor Siegfredo Betita sa pila ka ahensya sang gobyerno agud mabuligan ang mga mangingisda nga apektado sang red tide sa Gigantes Islands.

Suno kay Mayor Betita, duha sa apat ka barangay sa Gigantes ang nagapangabuhi sa pagpanguha sang scallops. Apektado man ang turismo bangud kalabanan sa mga turista nga nagakadto sa Gigantes ang gusto nga makatilaw sang nagapanguna nila nga produkto.

Nakumpirmar ang red tide kasunod sang ginhimo nga test sang Bureau of Fisheries and Aquatic Resources ukon BFAR nga ginpaguwa sang nagligad nga semana. Kasunod sang report, nagpaguwa si Mayor Betita sang executive order santu sa direktiba sang BFAR para sa mga barangay officials ilabe na sa coastal areas agud maproteheran ang iban pa nga produkto sa dagat sang banwa kag indi na maglapta ang problema. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply