‘Kabahin sang information dissemination’

Iloilo City–Kabahin lang sang information dissemination sang syudad ang ginbutang nga traffic signages nga human sa tarpaulin kag nagapakita sang speed limit sa Diversion Road, Mandurriao.

Pa-athag ini ni Senior Transportation Management Officer Jeck Conlu kay Councilor Joshua Alim, proponent sang Speed Limit Ordinance. Suno kay Alim, ginpasiguro ni Conlu nga ilisan sang permanente ang signage kon i-implementar na ang amended speed limit ordinance.

Una na ginpahayag ni Conlu nga 20 ka signage ang ila ibutang sa Diversion Road halin sa Esplanade tubtob sa boundary sang syudad sa Ungka, Jaro kag Pavia. (AGB)