Sara, Iloilo–Ginkuwestyun ni Mayor Ermelita Salcedo ang pahayag ni PCINSP Charlie Sustento, supervisor sang Provincial Drug Enforcement Unit Team 3 kag hepe sang Ajuy Police Station, nga madata ang illegal nga druga sa banwa.

Suno sa alkalde, masakit para sa mga pumuluyo nga isa ang Sara sa lima ka banwa sa quinto distrito nga gintudlo nga malala ang illegal drug activities. Para kay Salcedo, wala nagkulang ang mga barangay kag municipal officials sa pagsuporta sa kampanya kontra illegal nga druga. Nangin maayo man suno sa alkalde ang performance sang kapulisan sa kampanya kag pamatuod dire ang nabaton nga award halin kay PRO 6 Director PSSUPT Cesar Hawthorne Binag.

Magluwas sa Sara, ginpabutyag ni Sustento nga madata man ang illegal nga druga sa Carles, Estancia, Balasan kag San Dionisio.

Sabat ni Sustento

Ginapanindugan naman ni Chief Inspector Sustento ang iya una nga statement base sa ginpangbuyagyag sang mga nadakpan sa anti-drug operations.

Ginkontra man ni Sustento ang pahayag sang intelligence officer sang Sara Police Station nga indi madata ang illegal drugs sa banwa. Suno kay Sustento, makita sa mga apprehensions sang PDEU kun anu ka drug-affected ang Sara. Sa baylo nga taguon ang kamatuoran, mas maayo suno sa iya nga buligan nga masolusyonan ang problema. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply