Ilonggo Senator Franklin Drilon, nagbalibad mag-react sa pagsaylo sang mga LP members sa syudad sa PDP-Laban

Iloilo City–Nagbalibad nga magsabat si Ilonggo Senator Franklin Drilon sang ginpangayuan sang reaksyon sa pagsaylo sang mga barangay officials kag iban pa nga opisyal sa syudad nga miembro sadtu sang Liberal Party sa PDP Laban nga partido ni Presidente Rodrigo Duterte.

Suno sa senador, nagpauli siya sa syudad agud magdala sang music. Magahiwat sang concert ang Manila Symphony Orchestra sa Iloilo Convention Center buwas. Magahiwat man sila sang tunga sa adlaw nga musical workshop sa ginpili nga grupo sang mga estudyante sa syudad buwas.

Ang Manila Symphony Orchestra, isa sa pinakamadugay na nga orchestra sa asya nga gintukod Alexander Lipay sang 1926. (AGB)