Iloilo City — Gina-welcome ni Mayor Jed Patrick Mabilog ang pa-assign ni Presidente Rodrigo Duterte kag Chief Inspector Jovie Espenido sa Iloilo halin sa Ozamiz City Police Station.  Sa text message nga ginpadala ni Mayor Mabilog sa media kahapon, ginpabutyag sini nga makabulig si Espenido sa pagpakig-away batuk sa illegal nga druga bangud sang iya experyensya sa iban nga lugar.  Nagpahayag sang kahanda si Mabilog nga i-share kay Espenido ang mga estratehiya sang syudad sa anti-illegal drugs campaign.  Wala pa sang impormasyon kon sa syudad ukon probinsya sang iloilo i-assign si Chief Inspector Espenido. Sa iya mensahe sa selebrasyon sang National Heroes Day sa Libingan ng mga Bayani kahapon sang aga, ginhambal ni Duterte nga i-assign niya si Espenido sa Iloilo. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply