Mayor Jed Patrick Mabilog: I have nothing to hide

Iloilo City–Wala sang ginatago si Mayor Jed Patrick Mabilog. Pahayag ini sang alkalde sa official statement nga iya ginpaguwa matapos ginhambal ni Presidente Rodrigo Duterte nga ginpa-lifestyle check si Mabilog.

Suno kay Mabilog, may mga negosyo na sila sang iya asawa antes pa siya nag-intra sa pulitika. Ginpahayag sini nga nagsakripisyo kag nagtrabaho sa Canada sang malawig nga tiun ang iya asawa samtang naga-invest kag makita ini sa iya income tax returns.

Dugang sang alkalde, nagpatindog sila sang matahum nga balay para sa ila pamilya pareho man sa handum sang iban. Ginpabutyag pa ni Mabilog nga luyag niya ma-inspire ang mga ilonggo nga magtrabaho sang todo agud malab-ut ang handum pareho sang iya ginhimo. Ginpasiguro ni Mayor Mabilog nga wala bisan sentimo sang dirty money ang nagasto sa iya pagpatindog sang balay.

Sa iya speech sa oath-taking ceremony sang gin-promote nga mga PNP star rank officers sa malacañang kaina sang hapon, gintawag ni Duterte nga mala-palasyo ang balay ni Mabilog gani iya ginpa-check sa BIR kag NBI. (Panay News/PG/AGB)