Mga armas, bala kag granada, narecover sa raid sa balay sang negosyante sa Miag-ao

Miag-ao, Iloilo — Narecover ang mga armas, bala kag granada sa raid sa balay sang negosyante sa Baybay Norte, Miagao kahapon. Ginserbihan sang search warrant sang Miagao police si Alex Nulada bangud sa alegasyon nga may ginatago nga mga pusil nga wala sang lisensya. Suno kay Chief Inspector Norlan Perante, hepe sang Miagao Police Station, lakip sa narecover ang isa ka 45 caliber pistol, isa ka kg9 machine pistol, isa ka fragmentation grenade, mga bala, holster kag mga magazine. Ginpahayag ni Nulada nga may lisensya ang 45 caliber pero expired na.  Gin-athag ni Perante nga wala sang illegal drugs nga nakuha sa balay ni Nulada. Simple lang ang pagkilala kay Nulada kag wala nagabitbit sang pusil suno kay Perante. Dugang sang hepe, wala man sila sang record sa subject. (JoMaque)