Iloilo City–Duha ka barangay ang nasunugan sa Mandurriao pasado alas-11 kaina sang aga.

Ginabanta 30 ka balay ang naupos sa sunog sa Barangay Bolilao kag Barangay Bakhaw. Ginpahayag ni Bolilao Punong Barangay Nenita Joson nga may impormasyon nga nakalab-ut sa iya nga nagsugod sa bakhaw ang kalayo bangud sang ginpahayag nga illegal connection.

Madasig nga naglaton sa iban nga balay ang kalayo bangud kalabanan sang mga balay ang human sa light materials. Wala nakasulod ang mga firetrucks bangud makitid ang alagyan pasulod sa nasunugan gani ginsugpon-sugpon lang sang mga bombero sang Bureau of Fire Protection kag iban pa nga volunteer fire brigade ang ila hose agud mapiswitan sang tubig ang mga balay. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply