Iloilo City–Ginpanugyanan ni Chief Inspector Jovie Espenido si Mayor Jed Patrick Mabilog nga magsalig sa Ginoo. Mensahe ini ni Espenido sang na-interview sang Aksyon Radyo Iloilo matapos siya gin-assign ni Presidente Rodrigo Duterte sa Iloilo.

Ginpahayag ni Espenido nga wala sang dapat kabalak-an ang alkalde kag iya pamilya kon wala sila sang ginahimo nga malain. Ginpa-athag sini nga trabaho niya nga proteheran ang maayo nga pumuluyo kag pasabton ang nagaguba sa komunidad.

Dugang ni Espenido, pro-life siya baliskad sa mga pahayag nga berdugo siya sa PNP organization. Sa pagkamatuod suno kay Espenido, sa anum ka mayor nga iya nabungguan, isa lang sa ila ang napatay nga amo si Ozamis City Mayor Reynaldo Parojinog kasunod sang police operation.

Ginapa-abot na ni Espenido nga madamo siya sang kritiko ilabe na sa iya kampanya kontra illegal nga druga. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply