SUPPORTERS NI MAYOR JED PATRICK MABILOG NAGHIWAT SANG PRAYER RALLY
Read Time:1 Minute, 12 Second
Iloilo City – Nagtipon ang ginabanta 200 ka supporters ni Mayor Jed Patrick Mabilog sa Plaza Libertad para sa prayer rally kagab-i. Nagsindi sang kandila kag nagpangamuyo ang mga supporters sang alkalde sa pagpanguna ni pastor Norman Notes para sa safety ni Mabilog, iya pamilya kag ang syudad. Magluwas sa mga supporters ni Mabilog, nag-upod man sa prayer rally si liga president kag ex-officio councilor Reyland Hervias kag mga barangay officials sa syudad.
Suno sa mga supporters ni Mabilog, luyag nila ipakita sa bug-os nga pungsod nga gusto sang mga ilonggo ang kalinungan. Gin-athag naman ni San Juan, Molo barangay kagawad Emman Bonifacio nga wala sila nagapamatuk sa anti-drugs campaign sang Duterte administration. Ginpahayag sini nga nagapangamuyo sila nga indi matabu sa syudad ang maduguon nga anti-drug operations sa iban nga lugar. Gin-organisar ang prayer rally matapos gin-assign ni Presidente Rodrigo Duterte si Chief Inspector Jovie Espenido sa Iloilo.
Ginpangamuyuan ni pastor Notes si mayor Mabilog kag mga opisyal sang city government nga malampusan ang problema nga nagakatabu sa syudad. Suno kay pastor Notes, wala sila nagapamatuk sa mga anti-drug operations sang mga pulis sa baylo ginasuportahan pa nila ini.
Samtang, gin-ako sa isa mga nag-upod sa prayer rally nga nakabaton siya sang 150 pesos halin sa mga opisyal nga brgy. Suno sa iya, gintanyagan sila sang pamahaw kag gamay nga pamasahe para mag-upod sa prayer rally.
(ATT)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Subject sa drug buy bust operation sa Dumangas patay sang natiruhan tungod gin-report nga nagbato sa mga operatiba
ILOILO -- Patay ang subject sang natiruhan sa drug buy bust operation sang ginpahayag nagbato sa mga operatiba sa Sitio...
Bangkay ginhal-id sa kilid sang karsada sa San Joaquin
ILOILO — Nasapwan ang bangkay sang lalaki nga ginhal-id sa kilid sang karsada sa Brgy. Qui-anan, San Joaquin kaina sang...
21 anyos nga gin-report nalumos sa Arevalo nakapauli na sa ila balay
ILOILO CITY — Nakapauli na si John Mark, ang 21-anyos nga una gin-report nalumos sa Zone 3, Sto. Niño Sur,...
Factory sang Molo wrapper, miswa sa Oton nga nasunog sang Abril naguba sang ginlabayan sang buhawi
ILOILO – Naguba liwat ang factory sang Molo wrapper kag miswa sang ginlabayan sang buhawi sa Brgy. Abilay Sur, Oton...
Detour road sa idalum sang Oyungan bridge sa Miagao temporaryo nga indi maagyan sang mga dalagku nga salakyan tungod sang mataas nga level sang tubig
ILOILO -- Temporaryo nga indi maagyan ang detour road sa idalum sang Oyungan Bridge sa Miagao tungod sang pagtaas sang...
11 ka mga senador personal nga ginhatagan ni Pavia SB member Pyt Trimañez sang kopya sang resolution nga nagahingyo nga imbestigaran ang kontrobersyal nga Ungka flyover
Onse ka mga Senador ang nakabaton sang resolusyon sang Pavia Sangguniang Bayan angut sa pag-conduct sang Senate inquiry in aid...
Average Rating