Nagapadalagan sang drug business ni Iloilo No. 1 Drug lord Richard Prevendido, masunod nga target sang mga pulis

Iloilo City — Target sang mga pulis ang nagapadalagan sang drug business sang napatay nga si PDEA 6 identified drug group leader Richard Prevendido. Suno kay Iloilo Police Provincial Office (IPPO) Director Marlon Tayaba, padayon ang operasyon sang illegal nga negosyo ni Prevendido bisan nga nagapanago siya tubtub natultulan kag na-neutralize sang Biernes sang gab-i sang ginpahayag nagbatu sa mga pulis nga maserbe sang arrest warrant. Napatay man ang bata ni Prevendido nga si Jayson. Nagbalibad si Tayaba nga ibuyagyag kon sin-o ang nagapadayon nga nagapalakat sang illegal nga negosyo ni Prevendido. Ginahulat man suno kay Tayaba ang resulta sang forensic examination sa mga cellphones kag laptops nga narecover sa ginpanaguan nga balay ni Prevendido agud makabulig sa imbestigasyon sang mga pulis. (JoMaque)