Iloilo City–Gindayaw ni Mayor Jed Patrick Mabilog ang madinalag-on nga pag-neutralize sang kapulisan kay PDEA 6 identified drug group leader Richard Prevendido alyas Buang sa operasyon kagab-i sa ginapanaguan sini nga balay sa Landheights Subdivision sa Balabago, Jaro.

Sa official statement nga gin-release sang alkalde, ginpasalamatan man sini ang mga Ilonggo nga nagbulig sa kapulisan agud matudlo si Prevendido nga nagasaylo-saylo sang lugar. Ang lehitimo nga police operation suno sa iya pamatuod nga committed ang kapulisan nga mapabilin ang kalinong sa Western Visayas ilabe na sa syudad sang Iloilo.

Nagalaum si Mabilog nga sa pagkamatay ni Prevendido, maghagan-hagan kun indi man madula ang problema sang illegal nga druga sa rehiyon.

Ginmandu ni Mayor Mabilog ang madasig nga pag-release sang P500.000 nga kabahin sang P1 million nga reward money para ihatag sa informant sang kapulisan nga nagtudlo sang ginapanaguan ni Prevendido. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply