Re-assignment ni PCI Jovie Espenido sa Iloilo, ginkanselar
Read Time:1 Minute, 6 Second
Indi na madayon ang assignment ni PCI Jovie Espenido sa Iloilo City. Gin-anunsyar ini ni Police Regional Office 6 Director Cesar Hawthorne Binag sa press conference sa Campo Delgado kaina sang aga may kaangtanan sa kamatayon ni Richard Prevendido alyas Buang, ang No. 1 drug lord sa Iloilo base sa listahan sang PDEA 6 kag mga pulis.
Ang Special Order No. 9013 suno kay Binag naghalin sa National Command Center. Gin-announce man sa press con nga ang magabulos nga Director sang Iloilo City Police Office si PSSUPT Henry Biñas sang Negros Oriental Police Provincial Office.
Kun nadayon, ipahamtang kuntani si Espenido nga OIC sang ICPO. Una na ginhambal ni Espenido sa interview sang Aksyon Radyo nga may ginatapos pa siya nga pila ka dokumento para sa iya promotion bilang superintendent antes magsaylo sa Iloilo City. Magluwas sini, nagahingyo suno sa iya ang ang mga pumuluyo sa Ozamiz City nga magpabilin siya sa syudad bangud indi pa tapos ang problema sa mga Parojinog matapos napatay si Mayor Reynaldo Parojinog kag iya mga himata sa drug operation sang Hulyo.
Wala pa nabaton
Gin-ako naman ni PSSUPT Biñas nga wala pa sini nabaton ang kopya sang order para sa iya reassignment sa syudad.
Si Biñas nga tumandok sang Barotac Nuevo ang nagpasalig nga padayunon ang nasuguran nga mga programa sa ICPO. (AGB)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Detour road sa idalum sang Oyungan bridge sa Miagao temporaryo nga indi maagyan sang mga dalagku nga salakyan tungod sang mataas nga level sang tubig
ILOILO -- Temporaryo nga indi maagyan ang detour road sa idalum sang Oyungan Bridge sa Miagao tungod sang pagtaas sang...
11 ka mga senador personal nga ginhatagan ni Pavia SB member Pyt Trimañez sang kopya sang resolution nga nagahingyo nga imbestigaran ang kontrobersyal nga Ungka flyover
Onse ka mga Senador ang nakabaton sang resolusyon sang Pavia Sangguniang Bayan angut sa pag-conduct sang Senate inquiry in aid...
73-anyos nga babaye nga una gin-report nga missing sa New Lucena patay na sang nakit-an
ILOILO -- Patay na sang nakit-an ang 73-anyos nga babaye nga una gin-report missing sa Brgy. Baclayan, New Lucena. Ginkilala...
Face-to-face classes halin pre-school tubtob senior high school sa Iloilo City gin-suspend ni Mayor Jerry Treñas subong nga adlaw tungod sang sige-sige nga ulan
Yari ang mensahe ni Mayor Treñas: Good morning. I have checked with our OpCen. Based on data gathered, this morning...
Iloilo Gov. Arthur Defensor, Jr. top performing governor sa Western Visayas
Nagpanguna si Iloilo Governor Arthur Defensor, Jr. bilang “Top performing” Governor sa Western Visayas. Ini base sa “Boses ng Bayan”...
IPPO wala sang na-monitor nga hot spot areas sa Iloilo province para sa Barangay kag SK elections
Wala pa sang matumod nga lugar sa probinsiya sang Iloilo nga balantayan gid para sa Barangay kag SK Elections ang...
Average Rating