Iloilo City — Napuhag ang pila ka residente sa zone 5 Calumpang Molo matapos nasapwan ang 3 ka mga dalogdog ukon pillbox bomb nga ginbilin sa likod kag kilid nga parte sang isa ka balay kahapon.  Suno kay barangay kagawad Lordene Lim, may nabaton siya nga text message angut sa lokasyon sang mga dalogdog gani ginkadtuan kag ginpakuha sa taga-Explosive and Ordnance Division (EOD). Suno kay Lim, posible ginbilin sang mga miembro sang isa ka gang ang mga dalogdog nga naputos pa sa packing tape.  Pila na ka gab-i suno kay lim nga naga-inaway ang mga pangayaw nga gang sa ila barangay.  Suno sa iya,  naalarma na sila sa nagakatabu nga gamo sa barangay nga ginadalahigan sang mga pangayaw nga pamatan-on gani todo sa pagbantay ang ila mga tanod. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply