Pres. Rodrigo Duterte, nagpabutyag nga mas gwapo pa ang balay ni Mayor Jed Mabilog ipaanggid sa Malacañang

Davao — Mas gwapo pa ang mansion ni Mayor Jed Patrick Mabilog ipaanggid sa Malacañang. Ini ang pahayag ni Presidente Rodrigo Duterte sa selebrasyon sang kaadlawan ni Congressman Karlo Nograles sa Davao sang Sabado. Suno kay Duterte, nabarnisan lang sang maayo ang mga dingding kag pader sang Malacañang. Ginpahayag 60 million tubtub 700 million pesos ang mansion ni Mabilog apang 3 million pesos lang ang gindeklarar sini sa iya Statement of Assets and Liabilities and Net Worth ukon SALN. Nagconduct sang ocular inspection ang National Bureau of Investigation (NBI) sa balay ni Mabilog sang nagligad nga semana. Si Mabilog ang makapila na ka beses nga gintawag ni Duterte nga drug protector. (JoMaque)