Balasan, Iloilo — Rape with homicide ang posible ipasaka nga kaso batuk sa suspect sa pag-abuso patay sa 15-anyos nga solterito sa Balasan sang nagligad nga semana. Suno kay Chief Inspector Kenneth Paniza, officer-in-charge sa Balasan Police Station, ginahulat na lang ang resulta sang autopsy sa bangkay ni alyas Toto agud mapasaka ang kaso batuk sa suspect nga ginkilala kay Raden Gonzales alyas Smile, ginabanta 34-anyos sang Pontevedra, Capiz. Base sa panaysayon sang mga testigo suno kay Paniza, si Gonzales ang nakita nila nga naghagad sa biktima sa guwa sang baylehan antes ini nasapwan. Nakita man sang mga testigo ang suspect sa crime scene kag gilayon nga nagdalagan nga hublas antes nasapwan nga hublan man kag patay na si Toto sa tunga sang talamnan. Base sa medical report sang Municipal Health Officer sang Balasan suno kay Paniza, may pilas sa alatrasan, baba, nakakas ang duha ka unto kag may mga pilas man sa lawas si Toto. Ang wala nadakpan nga suspect, may kaso sadtu nga carnapping kag pag-molestiya sa menor de edad suno kay Paniza. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply