Iloilo City — May koneksyon sa mga pulitiko, judges kag mga pulis ang napatay nga si PDEA 6 identified drug group leader Richard Prevendido.  Base sa impormasyon sang Aksyon Radyo Iloilo, 2007 sang namonitor si Prevendido nga nakakuha sang mga contact sa illegal drug trade samtang preso siya sa sadtu Iloilo Rehabilitation Center kag subong ginatawag na nga Iloilo District Jail sa Pototan bangud sa kaso nga murder. Ginpahayag nga nag-intra man ang pamilya ni Prevendido sa illegal nga druga samtang preso siya sa IRC.  Suno sa mga pulis, nagahalin sa babaye nga muslim ang isa sa drug supplies sang Prevendido Drug Group pero wala pa nakilala ang iya identity. Nagakuha man ang grupo sang supply sa Quiapo, Bulacan, Mindanao kag bisan sa National Bilibid Prison.        Nagalaum ang Police Regional Office 6 nga mabuhinan ang drug supply sa rehiyon bangud nautod ang koneksyon sang napatay si Prevendido sa police operation sang biernes sang gab-i. Napatay man sa nasambit nga operasyon ang bata ni Prevendido nga si Jason. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply