Janiuay, Iloilo–Na-ospital ang pila ka residente sa Barangay Kuyot bangud naglain ang pamatyag.

Suno kay Provincial Health Officer Dr. Patricia Grace Trabado, ginkumpirmar sang municipal health officer sa Januay nga 27 ka residente ang gindala sa ospital. Isa sa ginapanan-aw nga rason ang tubig ilimnon sa barangay. Ginpahayag nga ang bubon nga ginakuhaan sang tubig ilimnon ang manabaw kag malapit sa septic tank gani posible nga na-contaminate.

Nagpadala ang Provincial Health Office sang gamit agud ma-check ang tubig kag bulong para sa oral rehydration sang mga pasyente. Mapadulong man buwas sa Janiuay ang provincial sanitation inspector agud magcheck sang status sang mga pasyente kag makuha sang water sample. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply