Ajuy, Iloilo–Makapabaskug sa morale sang mga pulis ang nabaton nga award ni PCI Charlie Sustento kag Ajuy Police Station halin sa National Police Commission Regional Office 6.

Reaksyon ini ni Sustento matapos ginhingadlan nga best municipal chief of police samtang ang Ajuy Police Station ang best municipal police station. Ini ang ikaduha ka sunod-sunod nga tuig nga nabaton sang Ajuy Police Station ang award kasunod sang annual inspection, monitoring kag checking sang NAPOLCOM 6.

Ginpahayag ni Sustento nga ginapakita sang awards nga ensakto ang ila ginahimo bisan pa nga may ginapangatubang siya nga panghangkat.

Si Sustento upod sa tatlo ka pulis ang gindismiss sa serbisyo sang Ombudsman for the Military bangud sa kaso nga ginfile sang assigned pa sila sa Dumangas sang 2014. Nagapati si Sustento nga may daku nga tawo sa likod sang natabu sa ila.

Wala pa naserbe sang Camp Crame ang dismissal order gani nagapabilin si Sustento nga hepe sang Ajuy Police Station kag supervisor sang Provincial Drug Enforcement Unit Team 3. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply