Guimbal, Iloilo–Nag-abot sa Guimbal si House Speaker Pantaleon Alvarez para sa basic membership seminar kag mass oath-taking sang mga bag-o nga miembro sang PDP Laban sa first district.

Ginabanta apat ka libo ka local officials sa first district ang nagpasakup sa programa. Nagtambung man sa kahiwatan sa Guimbal gym si Congressman Richard Garin nga provincial president sang PDP Laban, Tigbauan Mayor Suzette Alquisada, Miagao Mayor Macario Napulan, San Joaquin Mayor Ninfa Garin, Congresswoman Sharon Garin kag former Health Secretary Janette Garin.

Nangin sentro sang speech ni Alvarez ang ginaduso ni Presidente Rodrigo Duterte nga federalismo nga panggobyerno. Gin-engganyo ni Alvarez ang mga barangay officials nga nag-upod sa partido nga ipalapta ang ihibalo sa federalismo.

Ginpabalo man sang house speaker nga nadesisyunan sa lower house nga ipa-iway ang barangay kag sangguniang kabataan election subong nga tuig sa Mayo, 2018. Ginaduso naman suno sa iya sang senado nga hiwaton sa Oktubre, 2018 ang barangay elections. Ma-istoryahanay pa ang mga kongresista kag senador agud mahitsu kon san-o gid ang masunod nga eleksyon. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply