Municipality of Guimbal – Ginpangunahan ni house speaker Pantaleon Alvarez ang mass oath taking sang apat ka libo ka bag-o nga miembro sang PDP LABAN sa first district sa programa sa Guimbal gym kahapon.

Nagtambung sa kahiwatan si Guimbal Mayor Oscar Garin nga district president sang partido, Congressman Richard Garin nga provincial president sang PDP LABAN,  congresswoman Sharon Garin, former Health Secretary Janette Garin kag tanan nga mga mayors sa first district magluwas lang sanday Oton Mayor Carina Flores kag Igbaras Mayor Vicente Escorpion.

Nangin sentro sang speech ni Alvarez ang ginaduso ni presidente Rodrigo Duterte nga federalismo kag gin-engganyo ang mga barangay officials nga nag-upod sa partido nga ipalapta ang ihibalo sa isyu.

Ginpabalo man sang house speaker nga nadesisyunan sa lower house nga ipa-iway ang barangay kag Sangguniang Kabataan election subong nga tuig sa Mayo, 2018. Ginaduso naman sang senado nga hiwaton sa oktubre, 2018 ang barangay elections. Ma-istoryahanay pa ang mga kongresista kag senador agud mahitsu kon san-o gid ang masunod nga eleksyon.

(ATT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply