Bangkay nga nakutkutan sa manabaw nga lulubngan malapit sa encounter site sa Janiuay, ginapatihan nga kaupod sang NPA members nga naka-engkuwentro sang mga suldado

Janiuay, Iloilo — Ginapatihan nga kaupod sang suspected NPA members nga naka-engkuwentro sang mga katapo sang 61st Infantry Battalion-Philippine Army ang bangkay nga nasapwan malapit sa encounter site sa Barangay Canawillian, Janiuay. Ginkomfirmar ni Capt. Eduardo Precioso, Public Information Officer sang 3rd Infantry Division, nga nakita kahapon sang mga suldado ang bangkay sa manabaw nga lulubngan mga isa ka kilometro lang halin sa encounter site. Posible suno kay Precioso nga ginbayaan sang iya mga kaupod ang napatay agud nga magpalagyo sa mga suldado sang Huwebes sang hapon, Sept. 7. Madamo sang bandage sa lawas ang napatay apang wala pa nakilala bangud ginhulat ang SOCO nga magaproseso sa bangkay. Wala sang nasamaran sa government forces sa engkuwentro. (JoMaque)