Turismo sa Syudad, apektado sang “most shabulized” tag — City Tourism Officer Junel Ann Divinagracia

Iloilo City — Ginakulbaan ang mga ginikanan nga magpadala sang ila kabataan sa educational tour sa syudad. Pahayag ini ni City Tourism Officer Junel Ann Divinagracia nga nagpabutyag nga nagnubo ang tourist arrival sa syudad matapos ang pag-tag ni Presidente Rodrigo Duterte nga most shabulized. Suno kay Divinagracia, nagakabalaka ang mga ginikanan  sa safety sang ila kabataan gani nagalaum siya nga makakas na ang indi maayo nga tag sa syudad.  Nanugon man si Divinagracia bangud may mga conventions suno sa iya nga wala nagdayon sang ila event sa syudad.

Madumduman agosto sang nagligad nga tuig sang gintawag ni Duterte nga “most shabulized” ang syudad matapos ginlawag ang ginpahayag nga mga drug protectors nga pulitiko, mga pulis kag judges. Pila sa mga nalawagan ni duterte pareho kay Mayor Jed Patrick Mabilog ang nagapangalagad sa syudad. Duha ka PDEA identified drug lord naman halin sa syudad ang napatay-si the late Melvin Odicta nga gintiro upod sa iya asawa sa Caticlan sang nagligad nga tuig kag si Richard Prevendido nga napatay upod ang iya bata sa police operation sang Setyembre 1. (JoMaque)