Tigbauan, Iloilo–Gintuyo nga kuhaon sang duha ka tawo ang Grade 6 pupil sa Barroc Elementary School.

Suno kay PSI Hermogenes Eulatic, hepe sang Tigbauan Police Station, nagpa-blotter ang iloy sang estudyante upod ang principal sang eskuwelahan sang Biernes sang hapon. Suno sa iya, alas-11 sang Biernes sang aga sang ginsulod sang babaye kag lalaki ang estudyante kag ginguyod paguwa sa eskuwelahan.

Nakapanghawid ang bata nga babaye sa poste sang canopy sang eskuwelahan gani wala siya nadala. Ginabanta naga-edad sa 40 tubtub 50 anyos ang babaye kag lalaki.

Ginpahayag ni Eulatic nga nagpati pa ang maestra nga ginikanan lang sang bata ang nagkadtu sa eskuwelahan gani nakibot ini sang nahibaluan nga ginguyod ang 11-anyos nga estudyante. Palaligban naman sa Tigbauan police kun ngaa Grade 6 pupil ang gintuyo nga kuhaon sang mga suspetsado kag indi man manggaranon ang ginikanan sang estudyante. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply