Mayor Jed Patrick Mabilog, nagfile sang sick leave

Iloilo City–Nag-file sang sick leave si Mayor Jed Patrick Mabilog halin Setyembre 11 tubtob 30 subong nga tuig.

Suno kay Atty. Mark Piad, spokesman ni Mabilog, nagsuprer sang type 2 diabetes ang alkalde kag mapa-idalum sa laboratory tests kag treatment sa luwas sang pungsod. Nagabatyag man sang stress ang alkalde bangud sa mga isyu nga iya ginapangatubang.

Gin-deny ni Piad nga nagapangita sang political asylum si Mabilog. Wala suno sa iya sang plano nga magresign ang alkalde bangud may mandate siya tubtob sa 2019 nga magserbisyo sa pumuluyo.

Wala nakahibalo si Piad kon diin nga pungsod ang alkalde apang wala pa ini nakahalin sa Malaysia pagkatapos sang international forum nga iya gintambungan. (AGB)