City Hall Indi Na Drug Free Workplace – ICAST Director Iñigo Garingalao
Read Time:1 Minute, 2 Second
Iloilo City – Indi na drug free workplace ang city hall. Wala napunggan ni Iloilo City Anti-Smoking Task Force ukon ICAST director Iñigo Garingalao nga maakig matapos nadakpan sa buy bust operation sang Regional Drug Enforcement Unit sa San Jose, Arevalo ang ila isa ka empleyado.
Isa si Noel Uy, 37 anyos sang General Hughes, City Proper, sa 12 ka nadakpan nga ginpahayag nagaroro sa sulod sang nissan urban sang gin-operate sang RDEU sang mierkules sang hapon. Suno kay Garingalao, nasubuan kag naugot siya bangud ginapanindugan sang city government nga drug free workplace ang city hall. May mga natapik pa nga posters sa kada opisina nga drug free sila.
Gin-athag ni Garingalao nga wala siya nagapalagyo sa responsibilidad bilang ICAST director. Nagapati si Garingalao nga bag-o lang sa illegal drug activities si Uy nga una na nagnegatibo sa drug testing sa mga empleyado sang city hall.
Ginmandu ni Garingalao kahapon nga ipa-idalum liwat sa mandatory drug test ang tanan nga miembro sang ICAST. Ginkanselar naman ang job contract ni Uy nga ma-expire kuntani sa Oktubre subong nga tuig suno kay city administrator Atty. Hernando Galvez.
Si Uy ang masobra duha ka tuig na nga nagatrabaho sa ICAST.
(ATT)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Bangkay ginhal-id sa kilid sang karsada sa San Joaquin
ILOILO — Nasapwan ang bangkay sang lalaki nga ginhal-id sa kilid sang karsada sa Brgy. Qui-anan, San Joaquin kaina sang...
21 anyos nga gin-report nalumos sa Arevalo nakapauli na sa ila balay
ILOILO CITY — Nakapauli na si John Mark, ang 21-anyos nga una gin-report nalumos sa Zone 3, Sto. Niño Sur,...
Factory sang Molo wrapper, miswa sa Oton nga nasunog sang Abril naguba sang ginlabayan sang buhawi
ILOILO – Naguba liwat ang factory sang Molo wrapper kag miswa sang ginlabayan sang buhawi sa Brgy. Abilay Sur, Oton...
Detour road sa idalum sang Oyungan bridge sa Miagao temporaryo nga indi maagyan sang mga dalagku nga salakyan tungod sang mataas nga level sang tubig
ILOILO -- Temporaryo nga indi maagyan ang detour road sa idalum sang Oyungan Bridge sa Miagao tungod sang pagtaas sang...
11 ka mga senador personal nga ginhatagan ni Pavia SB member Pyt Trimañez sang kopya sang resolution nga nagahingyo nga imbestigaran ang kontrobersyal nga Ungka flyover
Onse ka mga Senador ang nakabaton sang resolusyon sang Pavia Sangguniang Bayan angut sa pag-conduct sang Senate inquiry in aid...
73-anyos nga babaye nga una gin-report nga missing sa New Lucena patay na sang nakit-an
ILOILO -- Patay na sang nakit-an ang 73-anyos nga babaye nga una gin-report missing sa Brgy. Baclayan, New Lucena. Ginkilala...
Average Rating