D’ Talipapa sa Boracay, nasunog

Boracay — Ginabanta sa 90% sang D’ Talipapa sa Isla sang Boracay ang nasunog mga alas 4 kaina sang kaagahon. Suno kay Yes FM-Boracay Station Manager Alan Palma, naglawig sang masobra 4 ka oras ang sunog sa ginakabig pinakadako nga talipapa kag kilala nga souvenir center sa isla. Nag-evacuate sa station 3 beach front ang mga apektado nga residente kag tag-iya sang mga stalls kag establisiemento samtang ginapalong ang kalayo. Ginabanta sa 100 ka stalls, duha ka fastfood chains, wet market kag souvenir stores ang nasunog. Suno kay Palma, madulaan sang isa sa mga atraksyon sa isla ang mga turista bangud kilala man ang D’ talipapa sa paluto service sang mga ginabakal nga seafoods sa wet market. (JoMaque)