Anilao, Iloilo — Ginpreso ni Anilao Police Station Chief of Police, Senior Inspector Jess Baylon ang pulis nga assign sa Regional Personnel Holding and Accounting Unit (RPHAU) matapos nga ginreklamo nga nagpanapote kag nagpang-pistol whip sa apat ka sibilyan. Ginkilala ang pulis kay PO1 Joerno Acquilisca sang Anilao nga ginatudlo nagsapote kag nagpanaya man sang pusil. Sa imbestigasyon sang Anilao police kay PO1 Acquilisca, nagsugid ini nga naglabay sila sa Barangay San Carlos, Anilao sakay sa Honda CRV ni Raffy Lagamon sang Palaypay, Anilao kag police identified high value target drug personality, sang gulpi lang ginhaboy suno sa iya sang bato ang ila salakyan. Nagpanaog sa salakyan si Acquilisca kag iya mga upod kag nagpalupok sang .9mm pistol. Ginpalapitan man nila ang mga sibilyan kag ginpahayag ginsapote kag gin-pistol whip. Ginpahayag nga nakita ni Anilao SB Member Eduardo Jorque ang insidente gani iya ginsaway ang pulis apang gintayaan man siya sang pusil. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply