Iloilo City–Plano ni Councilor Plaridel Nava nga magsumiter sang pleading sa Ombudsman agud maghingyo sang clarification sa ginpaguwa sini nga resolution sa kaso nga gin-file ni journalist Manuel “Boy” Mejorada batuk Mayor Jed Patrick Mabilog.

May kaangtanan ini sa kontrobersyal nga towing deal sang city government sa diin nalakip ang pangalan sang konsehal nga na-indict sa kaso. Suno kay Nava, mangayo man siya sang kopya sang resolution agud mahibaluan kun ngaa nalakip siya sa ginapasakaan sang kaso bisan indi siya respondent. Ginpabutyag sini nga testigo pa siya kun basehan ang kaso ni Mejorada batuk kay Mabilog bangud sa pag-file niya sang supplemental affidavit.

May separado nga kaso nga gin-file si Mayor Mabilog batuk kay Nava sa paglapas sa Anti-Graft and Corrupt Practices Act matapos gin-ako sang konsehal sa iya supplemental affidavit nga siya ang ginsugo ni Mabilog nga magpangita sang kompaniya para sa towing services.

Ginpahayag ni Nava nga naka-file siya sang counter affidavit sa kaso ni Mabilog batuk sa iya apang wala siya sang ideya kun may desisyon na. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply