Iloilo City–Maga-file sang motion for reconsideration ang kampo ni Mayor Jed Patrick Mabilog angut sa pag-indict sa iya sang Ombudsman may kaangtanan sa ma-anomaliya nga towing deal sang syudad upod sa 3L Towing Services sang 2015.

Suno kay Atty. Mark Piad, spokesman ni Mabilog, posible nga wala nakita sang Ombudsman ang facts sa pagrekomendar nga kasuhan sa Sandiganbayan ang iya kliyente. Ginpabutyag ni Piad nga gamiton niya ang tanan nga legal remedies agud maproteheran ang alkalde kag maguwa ang kamatuoran.

Ginarespeto naman ni Piad ang desisyon ni Councilor Plaridel Nava nga indi magtestigo sa kaso batuk kay Mabilog bangud na-indict man siya sa kaso nga gin-file sang alkalde batuk sa iya. Ginbasehan ni Mabilog sa kaso nga ginpasaka kay Nava ang iya supplemental affidavit sa kaso nga ginfile ni journalist Manuel Mejorada nga nagkwestyun nga wala ginpa-agi sa bidding ang kontrata sa towing deal. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply