Deployment sang dugang nga pulis sa “Night Life Hub” sa Mandurriao, ginsuguran na

Iloilo City — Nagsugod na kagab-i ang deployment sang dugang nga mga pulis sa Smallville Complex, Boardwalk kag Atria sa San Rafael Mandurriao agud mapabilin ang kalinong kag katawhay.  Ginsupervise ang deployment ni Supt. Efren Lozada, head sang Iloilo City Public Safety Company kasunod sang mandu ni ICPO Director Henry Biñas.  Ginreview ni Biñas ang deployment plan sang mandurriao police station kag nakita nga dyutay ang mga pulis nga nagabantay sa ginakabig night life hub sang syudad gani iya gindugangan sang police patrol cars kag traffic police.  Halin alas-9 sa gab-i tubtob alas-5 sa kaagahon ang pagpatrolya sang mga pulis. Ginakabig ni Biñas nga problemado ang Mandurriao bangud sang madamo na nga insidente sang kinagamo ilabe na sa Smallville Complex. (JoMaque)