Iloilo City – Buksan subong nga adlaw ang “drop box” nga ginbutang sa city hall agud matan-aw kon may naghulog sang impormasyon may kaangtanan sa mga empleyado sang city government nga ginadudahan involved sa illegal drugs.

Suno kay city administrator Atty. Hernando Galvez, buksan nila ang “drop box” kada semana.Ginpasiguro naman sini nga mangin confidential ang mga impormasyon nga ila makuha kag indi paghingadlan ang ginatudlo nga involved sa illegal drugs.

Ginpahayag ni Galvez nga i-subject ang empleyado nga mapangalanan sa drug test agud mahibaluan kon matuod ang alegasyon.

Otorisado lang nga magtan-aw sang impormasyon sanday city hall security chief officer Felix Muchada, city administrator Galvez, mayor Jed Patrick Mabilog ukon acting mayor Joe Espinosa.

Ang “drop box” ginbutang sa ground floor sang city hall sang martes. Tuyo sini nga masiguro nga drug free workplace ang city hall.

(ATT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply