Iloilo City–Walo ka pulis assign sa Regional Public Safety Battalion ang pilason sang nabunguan ang ila back-to-back patrol car sang truck sa corner Jalandoni-Ledesma Streets, City Proper kaina sang aga.

Ginkilala ang mga pilason kanday PO1 Nichomer Lachica, PO1 Christian Kenneth Sinon, PO1 Jonas Lobusta, PO1 Jotam Arim Toto, PO1 Frank Denolang, PO1 Rey Vego kag ila team leaders nga sanday PO2 Rex Capapas kag PO1 Paul Stanley Tamba Padayon nga ginabulong sa ospital sanday PO1 Sinon kag PO1 Toto bangud sang pilas sa ulo samtang out-patient ang iban pa nga pulis. Ginkustodiya sang Police Station 1 ang driver sang 6-wheeler truck nga si Herman Ellorquis sang Gemumua-Agahon, Passi City.

Suno kay PO3 Lougin Alarcon, traffic investigator sang Police Station 1, halin sa terminal market area ang patrol car kag pakadto sa General Luna Street samtang pakadto sa direksyon sang Tanza ang truck. Madasig ang dalagan sang truck sang gulpi man naglusot ang patrol rason nga nabungguan kag natumba gid. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply