Mag-asawa sa Cabatuan, dakup sa buy bust operation

Cabatuan, Iloilo–Arestado ang mag-asawa sa buy bust operation sa Barangay Baluyan, Cabatuan kaina sang aga.

Ginkilala ang mga arestado kanday Joeven Pasiderio, 39-anyos, kag Charry Pasiderio, 31-anyos.

Suno kay PSI Sullen Domingo, hepe sang Cabatuan Police Station, nakuhaan ang mag-asawa sang 22 ka sachets sang suspected shabu kag mga drug paraphernalia. Narecover man ang 500 pesos nga buy bust money. (AGB)