Ajuy, Iloilo–Ginpaguwa na sang Ajuy police ang composite sketch sang duha ka armado nga lalaki nga gintudlo nag-abduct sa 22-anyos nga dalaga sa Sitio Casamata, Barangay Central Lunes sang gab-i.

Suno kay PCI Charlie Sustento Jr, hepe sang Ajuy Police Station, medium built ang isa sa duha ka suspek nga ginabanta nagataas sang 5’5 kag 30 tubtob 35-anyos. Small built naman ang isa nga ginabanta 5’4 ang kataason kag 20 tubtob 25-anyos.

Na-identify naman sang Ajuy police ang kasado nga negosyante nga nakarelasyon sadtu ni alyas era pero wala pa ginbuyagyag ni Sustento ang pangalan samtang wala pa nabalik ang dalaga.

Ginapatihan nga hired goons ang mga abductors gani ginatutukan sang Ajuy police kag iban pa nga police units kon sin-o ang ara sa likod sa pag-finance ukon nagatago sang goons. (AGB)

 

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply