(UPDATE) Pila ka 4Ps beneficiaries, nagreklamo nga daw inumol sang bata lang ka daku ang ginhatag sa ila nga native nga manok sang syudad

Iloilo City–Nagreklamo ang pila ka 4P’s beneficiaries sang city government nga daw inumol lang sang bata ka daku ang native nga manok nga ginpanagtag sa baylo nga 300 grams ang kabug-atun.

Suno kay Teresita Rizalde sang Brgy. Bitoon, Jaro , isa sa apat ka benepisyaryo nga nagreklamo, kun baklon sa merkado ang ginhatag sa iya nga manok, halos 50 pesos lang ang balor kada isa.

Suno pa kay Rizalde, apat ka munga kag isa ka sulog apang mga pisu pa ang ginhatag sa iya nga native nga mga manok sang city government.

17, 500 tanan ka native nga mga manok ang ipanagtag sang City Agriculture Office sa 3, 500 ka mga benepisyaryo. (AGB)