Iloilo City — Panubu-an na lang sang WesternVisayas Transport Coalition ang ginaduso nga 3 ka pesos kag 50 sentimos nga saka sa pletehan sa public utility vehicles sa rehiyon.  Ini ang pahayag ni Mr. Boyet Parcon, Presidente sang ICLAJODA kag isa sa mga convenor sang WVTC bangud sang pagpakamala-ot sang publiko. Suno kay Parcon, nagapakita ini nga bukas ang sektor sang transportasyon agud maghatag sang konsiderasyon para sa kaayuhan sang kadam-an. Plano nanday Parcon nga P1 ukon P1.50 ang ipetisyon agud indi mabug-at sa mga pasahero.  Una na ginpetisyon sang grupo nanday Parcon ang 3 pesos kag 50 sentimos nga pagsaka sang pletehan bangud sang pagmahal sang presyo sang gatong, nagapanguna nga balaklon kag  spare parts sang  mga salakyan. Sa lunes posible ma-finalize ang petisyon bangud liwat nga magasapol ang member presidents  sang Western Visayas Transport Coalition. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply