Iloilo — Wala pa gihapon nakabalik sa iya ginikanan ang 22-anyos nga dalaga nga gin-abduct msang duha ka lalaki nga armado sang malagba nga pusil nga nagsulod sa ila balay sang Setyembre 18 sa Sitio Casamata, Brgy. Central, Ajuy. Nagpahayag si Iloilo Police Provincial Office Director Marlon Tayaba nga magapadayon ang ila imbestigasyon sa pagpangita sa mga suspetsado nga nag-abduct sa dalaga. Nagapati si Tayaba nga naga-contact ang dalaga sa iya ginikanan kabangdanan nga daw kampante ang pamilya ni alyas Era. Nagmandu si Tayaba kay Ajuy Police Station head Chief Inspector Charlie Sustento nga indi mag-untat sa pagpangita sa dalaga kag sa mga suspetsado agud mapasakaan sang kaso. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply