IPPO, nakatipon sang 600 ka pangalan sang mga suspected drug personalities paagi sa ginbutang nga drop boxes sa kabarangayan

Iloilo — Nakatipon sang 600 ka pangalan sang mga gin-alegar drug personalities ang mga pulis halin sa ginhulog sa drop boxes nga ginbutang sa kabaranggayan sa probinsya sang Iloilo.  Apang ginpa-athag ni Iloilo Police Provincial Office Director Marlon Tayaba nga i-subject pa sa validation ang mga pangalan agud masiguro kon sin-o gid ang involved sa illegal nga druga.  Wala pa nabal-an suno kay Tayaba kon pila ang user kag pusher sa listahan.

Nagapadayon ang pagbaton sang mga pulis sang mga pangalan sang posible involved sa illegal drugs nga mahimo lang mahulog sa drop boxes sa kabaranggayan.  Kabahin ang programa sa Tokang Reboot nga ginlunsar sang Police Regional Office 6. (JoMaque)