Iloilo City — Ginkwestyun sang Love Radio Iloilo ang reading sang Panay Electric Company sa ila metro sang Hulyo 31 tubtob Agosto 31 subong nga tuig.  Ini bangud tuman ka dyutay sang deperensya sang ila bill sa amo nga period kon ikumparar sa nagliligad nga billing. Ginpa-athag ni Mr. Larry Gold nga nagalab-ut sa 168 mil tubtob 169 mil pesos ang regular billing nila sang Easy Rock sa ila regular power output nga 8,000 kilowatt kag 5,000 kilowatt.  Sa Hulyo 31 tubtob Agosto 31 nga billing, naglab-ut sa 164 mil pesos ang konsumo sang duha ka sister station sang Aksyon Radyo Iloilo. Apang kwestyunable ini suno kay Larry Gold bangud wala naka-broadcast ang Easy Rock halin Agosto 2 tubtob Agosto 31 samtang tubtob lang 400 watts ang power sang Love Radio bangud naguba ang ila power supply sa duha ka paglupok sa transformer sang PECO.  Nagpasalig suno kay Larry Gold ang head sang Complaints Section sang PECO sang Setyembre 13 nga i-suspender ang ila due date kag ipa-reading liwat ang metro. Pero wala gihapon sang advice nga nabaton ang Love Radio kon ano na ang matabu sa ila balayran tubtob subong. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply