Mayor Jed Mabilog, liwat naman nalawagan ni Pres. Duterte; Duterte nag-athag nga drug protector kag indi drug lord si Mabilog

Manila — Wala nagaluto sang shabu si Mayor Jed Patrick Mabilog. Gin-athag ini ni Presidente Rodrigo Duterte sa iya speech sa ika-56 nga anibersaryo sang Philippine Constitution Association sa Manila Hotel kagab-i.  Suno sa presidente, drug protector si Mayor Mabilog kag indi drug lord. Antes ang speech ni Duterte sa PHILCONSA, una na sini namitlangan si Mayor Mabilog nga iya gintawag nga loko-loko kag nagbiya na sa pungsod sa programa naman sang ika-120 nga nga founding anniversary sang Department of Justice sa PICC kagab-i man. Naka-sick leave si Mayor Mabilog tubtob sa Setyembre 30 kag wala pa nakabalik sa pungsod matapos ang iya official travel sa Japan kag Malaysia. (JoMaque)